Stili i thjeshtë, por elegant është ai që Zoë Kravitz ka preferuar gjithmonë, dhe së fundmi ajo është parë shpesh në Londër duke sjellë estetikën e saj të relaksuar dhe moderne. Së fundmi u fotografua duke ecur pranë Harry Styles, ndërsa në gisht mbante një unazë të madhe diamanti që tërhoqi vëmendje.
Kravitz kishte kombinuar një pallto të lehtë mbi një këmishë të lirshme me kopsa, pantallona të zeza dhe një çantë të thjeshtë krahu në ngjyrë bezhë. Ajo e plotësoi pamjen me një kapele sportive blu me mbishkrimin “Boy Next Door”. Megjithatë, pjesa më e veçantë e veshjes ishin këpucët, një trend që është parë edhe te personazhe të tjerë të njohur kohët e fundit.
Bëhet fjalë për mokasina të buta, të cilat dallojnë nga modelet klasike pasi janë fleksibël dhe shumë të rehatshme, duke u përshtatur me këmbën pothuajse si një dorezë. Duke qenë se Kravitz jeton në një qytet ku ecja është pjesë e përditshme, ajo njihet për zgjedhjet praktike dhe elegante në këpucë, çka e bën këtë trend ideal për distanca të gjata.
Për ata që kërkojnë një alternativë të rehatshme dhe njëkohësisht elegante për shëtitje të gjata, ky stil këpucësh përfaqëson një zgjedhje të përshtatshme dhe të lehtë për t’u kombinuar.
