Ka dy lloje mënyrash që personazhet e famshëm zgjedhin për të njoftuar zyrtarizimin e marrëdhënieve të tyre: Eventet ku gjithë “sy të botës” janë aty apo një “Instastory” në dukje pa ndonjë qëllim, ku shfaqet unaza.

Në njërën anë qëndron Zendaya që na tregoi unazën e saj me diamant në tapetin e kuq të “Golden Globes”, ose Selena Gomez që ndau disa foto me unazën e saj, duke i përngjarë një skene filmi...dhe në anën tjetër qëndron Dua Lipa.

Fejesa e mundshme e Dua Lipës me aktorin Callum Turner duket se i përket kategorisë së dytë.

Pasi shfaqi atë që dukej si një unazë diamanti me një rreth të trashë floriri në “Instagram” gjatë pushimeve, këngëtarja shqiptare ka treguar në mënyrë të shkujdesur unazën e saj në një “Instastory”.

Fotot tregojnë Dua Lipën dhe shoqen e saj duke pirë një gotë së bashku, ku një unazë që bie mjaft në sy vërehet në dorën e majtë të këngëtares.

Kur ajo e ripostoi videon e postuar më herët nga mikeshq e saj, nuk bëri asnjë mbishkrim.