Cassie Ventura, Kid Cudi dhe Dawn Richards janë disa nga emrat e njohur që kanë dëshmuar në gjyqin federal për trafikim seksual ndaj Sean “Diddy” Combs, të njohur si P. Diddy, por mos prisni që ai vetë të marrë vetë fjalën në gjyq.

Avokatja e showbiz-it dhe ekspertja ligjore Lisa Bonner tha se kjo është “shumë e pamundur” të ndodhë.

“Pasi të dalësh në dëshmi, gjithçka që ke bërë në jetë – që ka lidhje me këto krime të pretenduara – bëhet e pranueshme në gjykatë,” tha ajo.

“Je nën betim dhe mund të përfundosh në burg për dëshmi të rreme, ndaj është më mirë të shmangësh daljen në dëshmi,” shtoi Bonner. (Dëshmia e rreme nën betim konsiderohet krim.)

Një nga akuzat që është përmendur deri tani gjatë gjyqit është sulmi ndaj makinës së reperit Kid Cudi me një koktej Molotov në vitin 2012. Reperi, emri i vërtetë i të cilit është Scott Mescudi, dëshmoi javën e kaluar se besonte që Diddy “kishte lidhje me atë ngjarje.”

Kid Cudi

Ekspertja ligjore tha se, nëse P. Diddy del në dëshmi, kjo është një nga gjërat për të cilat mund t’i duhet të përgjigjet.

“Ka shumë prova që janë paraqitur deri tani, që unë nuk do të doja t’i shpjegoja nëse do isha në vendin e Diddy-t,” tha ajo.

“Për shembull, ‘A e hodhe ti koktejin Molotov në makinë apo ishe përfshirë në ndonjë mënyrë?’” shtoi ajo.

Ish-asistentja e P. Diddy-t

Ish-e dashura e P. Diddy-t, Cassie Ventura, është një nga dëshmitaret kryesore në rast. Gjithashtu, ish-asistentja e tij, Capricorn Clark, dëshmoi në gjykatë të martën. Gjyqi pritet të zgjasë tetë javë.

Cassie dhe P. Diddy

Ekspertja ligjore tha se do të ishte “absolutisht e befasuar” nëse P. Diddy do të merrte vetë fjalën në gjykatë. “Nuk ka asgjë për të fituar,” përfundoi ajo.

P. Diddy, 55 vjeç, përballet me burgim të përjetshëm nëse shpallet fajtor për akuzat federale për trafikim seksual, organizim kriminal dhe akuza të tjera. Ai është vetëdeklaruar i pafajshëm deri më tani.

Artikuj të sugjeruar:

_{Burimi: Page Six}