Foto: Jason Momoa

Jason Momoa s'ka më mjekër. Po, po, e lexove saktë dhe ai nuk është aspak i lumtur!

Po sikur të të thoshim se Jason Momoa, Aquaman-i që bëri të gjitha gratë të besojnë në ekzistencën e perëndive të detit, ka hequr dorë nga mjekra e tij karakteristike? Jepi pak kohë zemrës të përballojë këtë lajm.

Aktori i preferuar i shumëkujt, i cili nuk e kishte prekur briskun për plot gjashtë vite, vendosi të rruhej për rolin e tij në pjesën e tretë të Dune. Dhe urrejtja për rezultatin ishte e menjëhershme. Në një video në Instagram, ai dëgjohet teksa thotë "Zot i madh, e urrej." Edhe ai vetë e pranon që s’është kjo pamja më e mirë e tij.

"S'e kam hequr mjekrën në 6 vite, le të nisim sërish" shkruan Jason në mbishkrimin e videos, përpara se të nënvizojë se kjo “sakrificë” bëhet vetëm për regjisorin Denis Villeneuve. 

Dhe për ata që e mbajnë mend, kjo nuk është hera e parë që Jason ndahet nga mjekra, ai e bëri një gjë të tillë edhe në 2019, por le të themi që zemrat tona e kanë ende të freskët traumën.

Në fund të ditës ai është ende Jason Momoa. Por... edhe mjekra ka rëndësinë e vet, apo jo?