Foto: Romeo, Cruz dhe Brooklyn Beckham/ Mike Marsland/WireImage

Cruz Beckham, më i vogli nga vëllezërit Beckham, ka publikuar disa mesazhe shumë të forta në rrjetet sociale gjatë muajve të fundit.

Mesazhet që ai ndau në Instagram Notes përmbajnë fjalë si: “Je një mashtrues,” “Tani je idiot,” “Karma e menjëhershme do të të marrë,” dhe “Je i vdekur për mua.”

Këto fjalë të ashpra vijnë në mes të një grindjeje të ashpër familjare mes Cruz, vëllait Brooklyn Beckham dhe bashkëshortes së tij Nicola Peltz.

Sipas burimeve, Cruz duket se ka përshkallëzuar situatën, ndërsa Brooklyn dhe Nicola janë distancuar edhe më shumë duke mos i ndjekur më në Instagram vëllezërit Cruz dhe Romeo Beckham.

Një burim tha për Page Six se Brooklyn dhe Nicola nuk e bënë këtë qëllimisht, por mund të jenë bllokuar nga pala tjetër pa e ditur.

Sipas informacioneve, Brooklyn, 26 vjeç, i ka thënë familjes se nuk dëshiron më asnjë kontakt me ta dhe nuk do t’u përgjigjet atyre që përpiqen të afrohen.

Grindja mes tyre ka prekur edhe tensionet mes Nicola Peltz dhe nënës së Brooklyn, Victoria Beckham, e cila thuhet se e bëri Nicola-n të qajë gjatë dasmës së saj në prill 2022, kur i mori "rolin" kryesor në kërcimin e çiftit.

Victoria, ish-anëtare e Spice Girls dhe tani dizajnere mode, dyshohet se u mërzit për shkak se Nicola nuk veshi një prej fustaneve të saj të dasmës. Ndërkohë Brooklyn ka bërë të qartë se do të zgjedhë gjithmonë bashkëshorten e tij.

_{Burimi: Page Six}