Jessica Alba ka rrëfyer se ka bërë terapi së bashku me të bijën, Honor, për shkak se ato grindeshin shumë me njëra-tjetrën. Aktorja e filmit “Honey”, 42 vjeç, ka treguar për “Real Simple” se kur e bija ishte 11 vjeç (tanimë është 15 vjeç), ato kanë bërë disa seanca me eksperte të shëndetit mendor.
“Ne ziheshim gjatë gjithë kohës për idiotësi…Unë mendova: “Nuk dua të jetoj kështu, nuk dua të kemi këtë hendekun mes nesh”, u shpreh aktorja, duke vijuar: “Është një proces dhe unë s’jam perfekte”.
Jessica theksoi se ky proces e ndihmoi të bijën ta kuptonte si nënë dhe se ajo thjesht është një prind. “Si nëna e saj, kur them diçka, ajo do ta dëgjojë si një zënkë, ose sikur unë po mundohem ta kontrolloj. Unë doja që të ishte dikush që t’ia shpjegonte gjërat në një mënyrë që unë nuk mundesha”, tregoi ylli i “The Fantastic Four”.
Alba, e cila ka edhe dy fëmijë me bashkëshortin Cash Warren, Haven (12 vjeç) dhe Hayes (6 vjeç), tha se edhe vajza e dytë i është bashkuar disa seancave. Alba e përshkroi terapinë si një mjet të ndjeshëm dhe theksoi se tanimë vajzat e saj bëjnë terapi më vete, pa prezencën e së ëmës.
Jessica foli për rëndësinë e terapisë. “Disa njerëz, si për shembull në familjen time, (mendojnë) se ti flet me një prift dhe kaq. Unë nuk u rrita në atë ambient ku ti mund të flasësh për këto gjëra dhe thjesht i mbylla në vetvete dhe vazhdova para, ndaj gjej shumë fymëzim thjesht duke folur me fëmijët e mi”.
Alba dhe bashkëshorti i saj janë njohur në vitin 2004, në sheshxhirimin e “The Fantastic Four”. Ata u fejuan në vitin 2007 dhe vitin tjetër kurorëzuan dashurinë e tyre.
Artikuj të sugjeruar:
