Jennifer Lopez riktheu atmosferën ikonike të komedive romantike në premierën e filmit të saj më të ri, “Office Romance”, duke tërhequr gjithë vëmendjen me një paraqitje glamuroze në Los Angeles. Këngëtarja dhe aktorja u shfaq në tapetin e kuq me një fustan vintage Atelier Versace nga koleksioni Pranverë/Verë 2004, një zgjedhje që rikujtoi menjëherë epokën e saj të artë në Hollywood.
Fustani i zi pa rripa kishte prerje të guximshme në pjesën e dekoltesë, detaje transparente dhe një bisht të gjatë elegant, ndërsa look-u u kompletua me grim bronz dhe flokë të stiluar me ndarje në mes. Pamja e saj u komentua menjëherë në rrjetet sociale, me shumë fansa që e quajtën “rikthimi i mbretëreshës së rom-com”.
Në filmin “Office Romance”, i cili publikohet në Netflix më 5 qershor, Lopez luan rolin e Jackie Cruz, CEO e një kompanie ajrore që bie në dashuri me avokatin e ri, Daniel Blanchflower, i luajtur nga Brett Goldstein, i njohur nga seriali “Ted Lasso”. Historia ndjek romancën sekrete të çiftit, e cila rrezikon karrierën e tyre kur vendosin të ndjekin zemrën dhe jo rregullat.
Jennifer ka folur edhe për raportin me Goldstein gjatë xhirimeve, duke treguar se kimia mes tyre u krijua natyrshëm.
“Prisja që të ishte më i ashpër, por në fakt është shumë i sjellshëm, inteligjent dhe jashtëzakonisht simpatik”, tha ajo.
Nga ana tjetër, vetë Brett Goldstein ka zbuluar se filmi u shkrua duke pasur Jennifer Lopez në mendje.
“Kur pyetëm veten kush është ylli ideal i komedive romantike, të dy thamë menjëherë J.Lo. Është më e mira në këtë zhanër”, u shpreh ai.
Kimia e fortë mes dy aktorëve ka nxitur edhe thashetheme për një romancë jashtë ekranit, por Goldstein i ka mohuar zërat, duke thënë se preferon ta mbajë jetën private larg vëmendjes mediatike.
Së fundmi, Lopez surprizoi fansat edhe me një deklaratë në emisionin “Watch What Happens Live”, ku zbuloi se Brett Goldstein ishte “puthja më e mirë që ka dhënë ndonjëherë në ekran”.
Duket yll!
