Justin Bieber/ Photo Credits: Getty Composite

Në orët e para të mëngjesit të sotëm, Justin Bieber zgjodhi t’i fliste botës pa filtra. Në një postim të ndjerë në Instagram, këngëtari 31-vjeçar shkroi:

“Njerëzit vazhdojnë të më thonë të shërohem. A nuk mendoni se, nëse do mundesha të rregulloja veten, do ta kisha bërë tashmë?”

Një rrëfim që nuk vjen rastësisht. Prej muajsh, Bieber është përballur me shpërthime publike ndaj paparacëve, por duket se kjo është vetëm sipërfaqja e një krize më të thellë psikologjike që po e shoqëron prej kohësh.

Ai e pranoi vetë: po përballet me zemërim të fortë dhe sa më shumë përpiqet të “rregullojë” veten, aq më shumë përkeqësohet.

Në postimin e tij emocional, Justin pranon se i është drejtuar besimit për të kërkuar paqe – por edhe ai rrugëtim është bërë lodhës dhe i mundimshëm.

“Jam i rraskapitur nga procesi i vetëshërimit,” shkruan ai, duke zbuluar një ndjeshmëri që zakonisht e mbulon pas famës dhe kamerave.

@justinbieber/ Instagram

Çfarë po ndodh me Justin Bieber?

TMZ, që e ka ndjekur nga afër jetën e tij, tregon se pas kësaj rrëmuje fshihen probleme më të thella – që nga martesa e trazuar, përdorimi i substancave, deri te vështirësitë financiare që kanë ngritur pyetje serioze për të ardhmen e artistit.

Për shumë fansa, kjo është një thirrje për ndihmë – për të tjerë, një kujtesë se edhe yjet nuk janë imunë ndaj luftërave që ne nuk i shohim përtej filtrave.

Duket se pas buzëqeshjes së djeshme të idhullit të pop-it, sot ka vetëm një djalë që kërkon paqe.

_{Burimi: TMZ}