Kim Kardashian u shpreh se ka pësuar një aneurizëm në tru. Në një klip paraprak për sezonin e ardhshëm të reality show-t të tyre, The Kardashians, Kim i tregon motrës së saj Kourtney për diagnozën e “një aneurizme të vogël.”
“Wow,” i përgjigjet Kourtney, duke nënkuptuar se ndoshta ishte diçka që Kim e kishte fshehur nga familja. Kim tregon se mjekët i kanë thënë se aneurizma ishte thjesht e lidhur me stresin, dhe më pas shfaqet duke bërë një skanim MRI.
Aneurizma e trurit është një fryrje anormale e një ene gjaku në tru. Ajo mund të “rrjedhë” ose të çahet, duke shkaktuar hemorragji të brendshme/gjakderdhje në tru, që mund të jetë fatale.
Familja Kardashian po premton shumë për këtë sezon, përtej diagnozave mjekësore sekrete. Gjatë episodit premierë më 23 tetor, Kim foli për stresin e bashkëprindërimit me ish-bashkëshortin, Kanye West. Ajo pohoi se gjatë marrëdhënies me Kanye-n, “gjithmonë ndihej sikur kishte sindromën e Stokholmit” dhe ndiente përgjegjësi për sjelljen e tij.
