Nëse dikush e konsideron të lodhshme ndjekjen e trendeve të ndërlikuara në veshje, atëherë pamja që ka veshur së fundmi Hailey Bieber në Nju Jork mund të jetë shumë tërheqëse. Ajo është sa më e thjeshtë të jetë e mundur dhe pasqyron një prirje më të gjerë që po vihet re në modë këtë vit.
Edhe pse stili maksimalist është rikthyer fuqishëm, nga ana tjetër shumë nga tendencat kryesore të sezonit janë bazike. Pulovrat me jakë polo, fundet deri te gjuri, bluzat me mëngë raglan, pantallonat e bardha dhe xhinset, si dhe modelet e shkurtuara me hapje poshtë janë disa prej tyre. Edhe sfilatat e fundit të shtëpive të mëdha të modës si Chanel kanë theksuar veshje të thjeshta dhe të përdorshme, gjë që reflektohet edhe te kombinimi i Bieber-it.
Teksa po shkonte për drekë në qendër të Manhatanit, Bieber u fotografua me një kombinim të thjeshtë që përfshinte një bluzë të gjatë dhe të gjerë me mëngë të gjata, xhinse të lirshme dhe shapka (të sajat me takë të vogël). Pamja u kompletua me një çantë Chanel me efekt lëkure krokodili dhe syze dielli vintage nga Gucci.
Vëzhgimi në rrjetet e saj sociale tregon se kjo nuk është një zgjedhje e izoluar, kombinimi i bluzave të gjera, xhinseve të rehatshme dhe shapkave po bëhet gjithnjë e më i përhapur. Është një trend i qartë, dhe thjeshtësia e tij shpjegon pse po fiton kaq shumë popullaritet.
Më poshtë mund të shihet kombinimi në praktikë, si dhe pjesët kryesore për ta rikrijuar atë.
-
5 modele fundesh që nuk do të ndaloni së veshuri këtë pranverë
26 Prill, 13:20 -
-
-
-
-
