Kylie Jenner bëri një nga paraqitjet më të komentuara në Festivalin e Muzikës dhe Arteve në Coachella, duke zgjedhur një stil që kombinonte minimalizmin me një referencë të qartë të kulturës pop.
Në ditën e saj të parë në Coachella, ajo u shfaq me një bluzë jeshile pa mëngë, ku ishte e stampuar fytyra e Justin Bieber. Look-u u kompletua me streçe të zeza, një kapelë dhe shapka bojëqieli, duke krijuar një pamje të rehatshme dhe të thjeshtë, tipike për atmosferën e festivalit.
Zgjedhja e saj u bë menjëherë virale, pasi këtë vit Justin Bieber ishte një nga emrat më të përfolur të festivalit, falë pranisë dhe performancës së tij në skenë. Për shumë ndjekës, ky detaj u interpretua si një “wink” i zgjuar ndaj momentit më të diskutuar të Coachella-s.
Ajo është prej kohësh mike me Hailey Bieber dhe ka qenë shpesh e pranishme në evente apo momente të rëndësishme që lidhen me çiftin, duke treguar mbështetjen e saj të vazhdueshme.
Edhe këtë herë, një look i thjeshtë i Kylie Jenner mjaftoi për të tërhequr vëmendjen dhe për të kthyer një detaj të vogël në një trend viral.
