Kriza në Lindjen e Mesme: Trump pretendon se lufta do të përfundojë brenda "dy ose tre javësh"
Donald Trump deklaroi se operacionet ushtarake të SHBA-së në Iran do të përfundojnë brenda dy deri në tre javë, ndërsa përgjegjësia për ngushticën e Hormuzit do t’u kalojë vendeve që e përdorin.
Sekretari i Shtetit Marco Rubio paralajmëroi se pas konfliktit mund të rishikohet roli i NATO-s, duke e quajtur aleancën potencialisht të njëanshme për SHBA-në.
Ndërkohë, tensionet vazhdojnë në Lindjen e Mesme me sulme, lëvizje trupash dhe shqetësime globale, edhe pse shumica e amerikanëve kërkojnë përfundimin sa më të shpejtë të luftës.
Azia rrit përdorimin e karburanteve ndotëse për të mbuluar mungesën e energjisë të shkaktuar nga lufta me Iranin
Vendet aziatike po rrisin përdorimin e qymyrit për të përballuar mungesat e energjisë të shkaktuara nga lufta SHBA-Izrael kundër Iranit dhe ndërprerjet në furnizimin me gaz.
Shtete si Korea e Jugut, Filipinet dhe India po shtyjnë mbylljen e centraleve me qymyr dhe po rrisin prodhimin për të siguruar energji.
Ekspertët paralajmërojnë se kjo rrit ndotjen dhe theksojnë nevojën për investime në energji të rinovueshme për siguri afatgjatë.
Ligji “diskriminues” izraelit për dënimin me vdekje do të ishte krim lufte, thotë shefi i të drejtave të njeriut i OKB-së
Komisioneri i OKB-së për të drejtat e njeriut, Volker Türk, paralajmëroi se një ligj izraelit që parashikon dënimin me vdekje vetëm për palestinezët mund të përbëjë krim lufte.
Ligji, i miratuar nga Knesset, është kritikuar si diskriminues sepse nuk zbatohet për ekstremistët hebrenj që kryejnë të njëjtat krime.
Bashkimi Europian dhe disa vende europiane kanë shprehur shqetësim, duke e cilësuar këtë masë si shkelje të të drejtave të njeriut dhe hap prapa në drejtësi.
Ukraina e quan Hungarinë "të turpshme" pas publikimit të telefonatave me Moskën
Ukraina e quajti Hungarinë “të turpshme” pas publikimit të përgjimeve ku ministri i jashtëm hungarez dyshohet se i premtonte Rusisë ndihmë për të zbutur sanksionet e BE-së.
Presidenti ukrainas kritikoi gjithashtu kryeministrin hungarez për bllokimin e ndihmës financiare europiane, duke e akuzuar se po i shërben Moskës.
Ndërkohë, lufta vazhdon me përpjekje për negociata paqeje, tensione në Eeropë dhe zhvillime të tjera si rrëzimi i një avioni ushtarak rus në Krime.
