Ben Affleck dhe Jennifer Garner u panë sërish bashkë, këtë herë duke kaluar një mbrëmje të qetë familjare në stadiumin Fenway Park në Boston. Të shoqëruar nga dy prej 3 fëmijëve të tyre, ish-çifti dha një tjetër shembull të marrëdhënies së tyre të shëndetshme pas ndarjes.
Të ulur në rreshtin e parë, Ben dhe Jen dukeshin të qetë, të përfshirë në bisedë dhe të fokusuar te loja. Në një moment të ëmbël, kamerat e kapën Ben-in duke e njoftuar Jennifer-in se po i filmonin dhe ajo iu përgjigj me një buzëqeshje të qetë. Komentatori i ndeshjes e përmblodhi skenën në mënyrë perfekte “Një familje fantastike [fanse] e Red Sox-it aty, Ben Affleck, Jennifer Garner dhe fëmijët e tyre.”
Për kujtesë, Affleck dhe Garner ishin të martuar nga viti 2005 deri në 2018 dhe kanë ruajtur marrëdhënie të forta bashkëprindërimi që nga ndarja. Aktualisht, Jennifer është në një lidhje serioze me biznesmenin John Miller, ndërsa Ben sapo ka kaluar një tjetër divorc, këtë herë me Jennifer Lopez, me të cilën u ribashkua dhe u martua në vitin 2022, por ndarja e tyre u konfirmua në vitin 2025.
Pavarësisht ndarjeve, duket se Garner dhe Affleck kanë krijuar një balancë të admirueshme mes jetës private dhe prindërimit. Madje, fansat në rrjete sociale nisën menjëherë të komentonin për “energjinë e mirë” mes tyre dhe për faktin që, ndonëse të ndarë prej vitesh, duken më të bashkuar se shumë çifte të martuar sot.
Ndërkohë, Red Sox fituan ndeshjen 5-4, por për shumëkënd, fitorja e vërtetë ishte momenti i qetë dhe i sinqertë mes Ben-it dhe Jennifer-it.
-
-
Harrojeni J.Lo! Ben Affleck i ka vënë syrin YLLIT të Hollywood
13 Prill, 17:06 -
Ups! Ben Affleck kërkon të ribashkohet me J.Lo O.o
17 Mars, 14:09 -
