Khëm-khëm! Taylor Swift mund të ketë dalë nga tregu! Këngëtarja mund të jetë martuar me partnerin e saj, Travis Kelce, sipas komenteve në rrjetet sociale.
Si nisi thashethemi? Si zakonisht, me një detaj specifik. Taylor dhe Travis ishin të ftuar në dasmën e një miku të përbashkët dhe në vendin ku ishin caktuar për t’u ulur shkruhej “Taylor & Travis Kelce”, çka nënkupton se këngëtarja mund të ketë marrë mbiemrin e tij.
Ndonëse Tay dhe Travis ishin prezentë në një dasmë tjetër, sërish emrat e tyre ndodheshin mbi një zarf, ku brenda kishte një letër me fjalë zemre nga të porsamartuarit.
Sigurisht, elementi nuk u kalua pa u vënë re nga njerëzit në internet, të cilët menjëherë komentuan: “Taylor dhe Travis Kelce? Më falni?!”; “Oh Zot, janë martuar?!”; “S’mund ta besoj që mund të kenë kurorëzuar dashurinë”, ishin disa nga komentet që gëluan në Instagram.
Të tjerë njerëz u shprehën se kjo është normale nëpër dasma.
Zërat për martesën e dyshes vijnë 2 javë pasi një burim anonim tha se Travis ka në plan t’i propozojë Taylor pas sezonit të ndeshjeve.
“Të gjithë janë duke pritur që Travis t’u kërkojë prindërve të saj dorën e saj për martesë. Ata do të thonë ‘po’ dhe mezi presin që Travis dhe Taylor të fejohen. Asgjë nuk do të ndodhë menjëherë, por 100% që do të ndodhë”, u shpreh burimi.
Travis dhe Taylor kanë një lidhje publike tanimë. Këngëtarja dhe sportisti e kanë mbështetur shpesh njëri-tjetrin dhe fansat janë goxha entuziastë për lidhjen e tyre.
