Meghan Markle dhe Netflix do të publikojnë një dokumentar special për Krishtlindje, të titulluar “With Love, Meghan: Holiday Celebration” dhe ndonëse shumë njerëz u përqendruan te puthja e saj me princ Harry-n, disa shikues symprehtë kapën një detaj tjetër: Fustanin jeshil që ajo kishte veshur.
Mesa duket, Meghan ka veshur më parë të njëjtin fustan të markës Galvan Ushuaia, me vlerë 1,695 dollarë, për ca foto me Variety në vitin 2022. Njerëzit e panë, e rikthyen rrotën e historisë pas dhe e akuzuan dukeshën se “e kishte ‘vjedhur’ nga seti fustanin pa pyetur njeri dhe e kishte future në arkivën e saj mbretërore’.
View this post on Instagram
Sigurisht, thashethemi u përhap online dhe një zëdhënës i Meghan sqaroi gjithçka, duke theksuar se këto janë pretendime totalisht të pavërteta.
“Aludimi se ndonjë send është marrë pa dijeninë dhe dakordësinë e stilistëve në set apo ekipeve të tyre përkatëse është jo vetëm kategorikisht i pavërtetë, por edhe shumë shpifës. Çdo send i mbajtur është ruajtur me transparencë të plotë dhe në përputhje me marrëveshjet kontraktuale”, tha zëdhënësi për People.
Nejse, ky dokumentari do të shfaqet më 3 dhjetor dhe për pak çaste shfaqen një numër i madh VIP-ash. Përpos princit Harry, do të shohësh edhe Naomi Osaka, Tom Colicchio, Will Guidara dhe miket e ngushta prej vitesh të Meghan, Kelly Zajfen dhe Lindsay Roth.
