Dy nga vajzat më të komentuara të muzikës sapo u panë të veshura me të njëjtin trend këpucësh, të kombinuar me pantallona tipike vere, dhe kjo vështirë të quhet rastësi. Edhe pse zakonisht pantallonat nuk dominojnë gardërobën e stinës së nxehtë, këtë vit situata ka ndryshuar. Pantallonat e bardha, kaprit, modelet e gjera dhe ato me prerje të lehta janë kthyer në zgjedhjet më të preferuara të sezonit.
Por detaji që po bën diferencën nuk janë pantallonat, janë balerinat e bardha. Po, jo të zeza dhe as kafe, siç jemi mësuar zakonisht. Vajzat më me stil po zgjedhin balerina të bardha për t’i kombinuar me pantallonat e verës dhe rezultati duket menjëherë më i freskët, elegant dhe perfekt për pranverë-verë.
Këngëtarja Rosalía u fotografua e veshur me kapri të zeza, një xhaketë me detaje pellushi dhe balerina klasike të bardha. Ndërkohë, Rosé zgjodhi pantallona të bardha, një bluzë sportive të zezë dhe balerina të bardha me dizajn modern. Në të dyja rastet, zgjedhja e këpucëve i dha kombinimeve një pamje shumë më verore dhe më shik sesa do të dukeshin me këpucë të errëta.
Trendi po tregon qartë se balerinat e bardha janë alternativa që e bën çdo veshje të duket më e pastër, më luksoze dhe më “vajzë që di të vishet”. Sidomos kur kombinohen me pantallona të lehta vere, krijojnë atë estetikën minimaliste që po dominojnë rrjetet sociale dhe stilin e rrugës këtë sezon.
