Foto: Rihanna/ Getty Images

Për të gjithë ata që me padurim prisnin një tjetër album, Rihanna duket se ka plane të tjera.

Influencerja Montana Rose Brown publikoi një video në Instagram me mbishkrimin: "Duke vendosur nëse duhet të bëhem joshëse dhe seksi apo të ngelem shtatzënë në 2026-n," dhe Rihanna sapo na tregoi se edhe ajo ndan të njëjtin mendim me të.

Me sa duket, pas tre fëmiijëve dhe një shkëputjeje të gjatë nga muzika, këngëtarja ende është e pavendosur, duhet të zgjerojë akoma edhe më shumë familjen apo do na sjellë albumin që kaq shumë e kemi pritur?

"Prit, pra unë s'qenkam e çmendur? Mirë pra," tha ajo ndaj videos. 

Por, këngëtarja nuk është e vetmja që e ka këtë dilemë.

I njëjti postim u hodh përmes një story në Instagram nga Argjira dy ditë më parë, aq sa na bëri të mendojmë se ndoshta ajo dhe Graciano mund të vendosin ta zgjerojnë familjen e tyre këtë vit.

Sigurisht, është e kuptueshme se postime të tilla merren gjithmonë me një grimë kripë, dhe mund të jetë shpërndarë thjesht për humorin që mbartin. :)

Nuk e dimë për Argjirën, por dikush t'i thotë Rihanna-s se ka ardhur koha t'i rikthehet muzikës.