Zëvendëspresidenti JD Vance ishte i ftuari i nderit në një event të “Turning Point USA” në universitetin e Misisipit të mërkurën, më 29 tetor. Por një moment gjatë prezantimit të tij është bërë viral që prej asaj dite.
Erika Kirk, e veja e organizatorit të njohur të krahut të djathtë, Charlie Kirk, ka marrë postin e bashkëshortit të saj si drejtuese e “Turning Point” pas vrasjes së tij gjatë një eventi të TPUSA më 10 shtator. Ajo hapi eventin e së mërkurës me një fjalim emocional, duke theksuar se ajo ditë shënonte shtatë javë nga vdekja e bashkëshortit të saj.
“Kur ekipi ynë i kërkoi mikut tim të dashur, zëvendëspresidentit JD Vance, të fliste sot, u luta shumë për këtë, sepse natyrisht është një ditë shumë emocionale. Por e ndieja Charlie-n në zemrën time. E dëgjoja sikur të më thoshte: ‘Shko dhe bëje, e dashur. Shko! Beteja është fituar tashmë. Dashuria e Zotit triumfon’”, tha Erika.
Por, pavarësisht fjalëve të saj me lot në sy, diskutimet në rrjetet sociale pas eventit u përqendruan në dinamikën mes saj dhe Vance, 41 vjeç.
“Askush nuk do ta zëvendësojë ndonjëherë bashkëshortin tim. Por shoh disa ngjashmëri mes tij dhe JD-së, zëvendëspresidentit JD Vance. Po, i shoh dhe për këtë arsye jam kaq e bekuar që kam mundësinë ta prezantoj sonte”, vijoi ajo.
Kur Vance doli në skenë, ai dhe Erika u përqafuan në një mënyrë mjaft intime. Zëvendëspresidenti vendosi duart mbi ijet e Erika-s, ndërsa ajo i futi gishtat në flokë. Kjo përshëndetje i befasoi jo pak njerëzit në internet, të cilët nisën të diskutonin në rrjetet sociale.
Dikush tha se kurrë nuk ka përqafuar kështu burrin e dikujt (sepse zëvendëspresidenti është i martuar), duke theksuar se takimi i tyre ishte shumë intim.
Të njëjtin mendim pati edhe një tjetër komentues në Thread.
Dhe ja, dikush do nxehej shumë po ta shihte një ndërveprim të tillë mes burrit të saj dhe një gruaje tjetër.
Po, pretendimet se ata janë të dashur:
Edhe një herë, përsëriteni pas internetit: Takimi i tyre ishte shumë intim!
