Donald Trump po shqyrton seriozisht mundësinë për t’i dhënë një falje presidenciale të plotë Sean “Diddy” Combs, para se të shpallet vendimi për dënimin e tij këtë tetor.
Sipas burimeve nga administrata e presidentit amerikan, diskutimet për faljen e ish-mogulit të muzikës janë bërë më konkrete gjatë javëve të fundit, pas shpalljes pjesërisht fajtor për trafik seksual në një gjyq të bujshëm në New York.
Ndërsa Diddy është në pritje të dënimit më 3 tetor, ku mund të përballet me 2 deri në 3 vite burg, zërat për një falje po intensifikohen. Edhe pse Shtëpia e Bardhë zyrtarisht refuzon të komentojë mbi ekzistencën (apo jo) të një kërkese për falje, njerëz të afërt me Diddy-n thuhet se janë duke lobuar aktivisht në prapaskenë.
Deri tani, avokatët e tij nuk janë përfshirë drejtpërdrejt në këtë përpjekje. Ndërkohë, emra të njohur nga bota e muzikës e kanë shprehur hapur kundërshtimin ndaj një faljeje të tillë, përfshirë edhe 50 Cent, i cili është shprehur publikisht se do të ndërhyjë personalisht që kjo të mos ndodhë.
Edhe pse Diddy shpëtoi nga akuzat më të rënda për trafikim seksual, gjykata e shpalli fajtor për transport me qëllim prostitucioni. Në procesin gjyqësor që zgjati 8 javë, dëshmitë tronditëse për festa me drogë, dhunë dhe abuzim tronditën opinionin publik, përfshirë edhe rrëfimet nga ish-e dashura e tij Cassie Ventura.
E gjithë kjo situatë po zhvillohet në një moment delikat politik për Trump-in, i cili po përballet me presion nga baza e tij për dosjet e fshehta të Jeffrey Epstein, si dhe me konflikte të reja me mediat që dikur i kishte aleate.
-
-
-
Trump anulon "The Late Show" - Televizioni amerikan në shok
19 Korrik, 10:13 -
Burimi: Deadline
