Pas postimit të këndshëm në Instagram, ku Rebel Wilson postoi një foto me dizajneren e modës, Ramona Agruma dhe konfirmoi lidhjen e dashurisë dhe tha se kishte gjetur “princeshën e saj të Disney-t”, në fakt qëndron një presion i rëndë nga media.

Aktorja u prit me lavde dhe urime të shumta, por nuk vonoi shumë dhe gazetari Andrew Horney tha se në fakt, e gjitha kjo është “e tepruar” dhe se “tashmë dalja hapur e një çifti të të njëjtit seks është një koncept i tepërt, në një botë perfekte. Dashuria është dashuri, apo jo?”.

Gjithashtu, gazetari shtoi se të martën në mëngjes, një e-mail mbërriti në postën elektronike të përfaqësuesve së Rebel Wilson, në të cilin shkruhej (me shumë respekt sipas tij), se aktorja kishte 2 ditë kohë që të komentonte marrëdhënien e saj me një tjetër grua, pra, me Ramona Agruma-n, përpara se të postohej qoftë edhe një fjalë e vetme.

“Duke marrë parasysh reagimet e ashpra dhe ankesat e Wilson mbi standardet e dobëta të gazetarisë, kur ajo paditi “Women’s Day” për shpifje, zgjedhja e saj për të injoruar pyetjet tona të matura, reale dhe të sinqerta, ishte, sipas mendimit tonë, e dhimbshme”.

Gazetari u përball me kritika të shumta, sa i përket “dhunimit të privatësisë” dhe manisë të sëmurë për të dëmtuar jetën e personazheve të njohur.

Artikuj të sugjeruar: