Rozana Radi, pjesëmarrëse shtatë herë në “Këngën Magjike” e ka shumë të qartë se cili fitues nuk e meritoi vendin e parë. Madje, kur u vu përballë pyetjes në “Glamour Zone” në Ora News, u përgjigj pa shumë lule dhe s’mund të themi që e ka gabim.
Mendoj se Aleksandër Gjoka me ‘Kuturu’ duhet të kishte marrë çmimin e parë. Mendoj se duhet ta fitonte jo sepse është Aleksandër Gjoka, por sepse kishte një këngë shumë të mirë. Aty kuptuam ne se çfarë bëjnë këngëtarët me njëri-tjetrin, mënyra si votojnë. Dhe ndodhi ajo që ndodhi. Aleksandër Gjoka mori çmim të dytë,” tha ajo.
Aleksandër Gjoka mori pjesë në edicionin e vitit 2003 me “Kuturu,” një këngë të paharrueshme me konkurrentë të tjerë si Pirro Çako me “Unë, ai dhe ajo,” Julka me “Të ndjej,” Alketa Vejsiu dhe Flori Mumajesi me “Merrmë të fundit natë,” Produkt 28 me “Trokas,” West Side Family me “Hou çike” dhe Ledina Çelo me “Të dua se je ti.”
E gjeni dot kush fitoi? Ema Bytyqi me “Ku je ti”
