Capricorn Clark, e cila ka punuar me Sean “Diddy” Combs për më shumë se një dekadë, dëshmoi në gjyqin kundër reperit se ai dhe një truprojë e kishin detyruar të shkonte me ta në shtëpinë e Kid Cudi-t. Sipas saj, P.Diddy i kërkoi nën kërcënimin e armës që ta shoqëronte për të vrarë reperin.
“Vishu! Do të shkojmë ta vrasim atë [fjalë fyese].”
Gjithashtu, ajo tha në gjykatë se Diddy e kishte kërcënuar se do ta vriste që në ditën e saj të parë të punës.
P.Diddy, sipas dëshmive dhe provave, ka dhunuar ish-partneren e tij, Cassie Ventura, pasi zbuloi se kjo e fundit kishte nisur një lidhje të re dashurie me reperin Kid Cudi.
Kid Cudi ka dëshmuar më herët, duke akuzuar P.Diddy-n se i ka sulmuar shtëpinë dhe i ka hedhur në erë makinën, pasi zbuloi lidhjen e tij me Cassie-n.
P.Diddy i ka mohuar këto akuza, por dëshmia e ish-punonjëses së tij zbuloi të kundërtën.
Ajo tha se sapo mbërritën në shtëpinë e Kid Cudi-t, Combs dhe truproja e tij hynë brenda, ndërsa ajo telefonoi Cassie-n për ta paralajmëruar për atë që po ndodhte. Kur Combs e pa duke folur në telefon, u revoltua edhe më shumë dhe vendosi të largoheshin nga aty, para se reperi të arrinte në shtëpi.
Po ashtu, ajo shtoi se P.Diddy e kishte kërcënuar se do e vriste, nëse nuk e bindte Kid Cudi-n, se ai nuk kishte lidhje me sulmin në shtëpinë e tij.
Më shumë rreth dëshmive:
- Dëshmitë në gjyqin e P.Diddy-t: Përfshihet edhe emri i Jay Z
- Kid Cudi dëshmon në gjyqin ndaj P.Diddy-t: “Më vendosi eksploziv në makinë”
- Ish-asistenti i P. Diddy zbulon jetën e fshehtë të reperit:
- Rrëfimi tronditës: Thuhet se Usher ishte dëshmitar kur P.Diddy dhunoi Cassie-n
- Sy i nxirë dhe maviosje: Fotot e Cassie pas dhunës nga P. Diddy bëhen publike
