Selena Gomez ka folur hapur për komentet e vazhdueshme fyese karshi trupit të saj, të cilat e kanë shoqëruar për vite me radhë. Pasojat e këtyre komenteve në rrjet kanë sjellë pasiguri për këngëtaren dhe aktoren dhe për këtë, ajo është shprehur në intervistën ekskluzive për Allure.
“Jam përballur me shumë probleme peshe në jetën time dhe kjo është diçka ndaj së cilës jam shumë e ndjeshme”, u shpreh, duke shtuar se lufton me këto mendime dhe pasiguri dhe përpiqet t’i trajtojë përmes terapisë të sjelljes (DBT), e cila është një “lloj terapie për njerëzit që përjetojnë emocionet e tyre në mënyrë shumë intensive”.
“Më lëndoi një person që më tha se isha e shëndoshë. Pse po përjetova këtë emocion? Oh, e kuptova! Sepse asokohe po kaloja probleme shëndetësore dhe kisha shtuar peshë”, u shpreh Sel, por theksoi se që këto komente të mos kenë më ndikim, duhet me patjetër që të duash të punosh me veten, edhe pse kjo mund të jetë sfiduese.
Sel foli edhe për rëndësinë e terapisë, të cilën e cilësoi si “kartolinë e vogël që të vjen kur ndien një emocion të caktuar dhe bën pyetje që të ndihmojnë të kuptosh më mirë atë që po përjeton”.
Aktorja dhe këngëtarja ceku edhe diagnozën me çrregullim bipolar, të cilën e bëri publike në vitin 2020. Selena u shpreh se asokohe u ndje “sikur kishte hequr një barrë të madhe nga shpatullat”.
Në vitin 2014, Gomez u diagnostikua gjithashtu me lupus dhe më pas iu nënshtrua një transplantimi të veshkës dhe kimioterapisë. Ajo zbuloi se kurat për lupus i shkaktojnë luhatje në peshë, por megjithatë vazhdon të përballet me kritika dhe spekulime për pamjen e saj.
“Kur i marr ilaçet, trupi ka tendencë të mbajë shumë lëngje dhe kjo është diçka shumë normale. Kur i ndërpres, zakonisht humbas peshë,” tha Selena në një video në TikTok në shkurt të vitit 2023.
“Po, kam ditë kur ndoshta ndihemi keq, por unë do të preferoja shumë më tepër të jem e shëndetshme dhe të kujdesem për veten time. Ilaçet e mia janë të rëndësishme dhe besoj se janë ato që më ndihmojnë,” tha ajo në videon në fjalë.
Ylli i “Only Murders in the Building” theksoi se ajo “nuk është modele” dhe “nuk do të jetë kurrë", ndaj duan, s'duan komentuesit, duhet ta lënë rehat të shijojë jetën e saj!
-
Selena Gomez zbulon ngjyrën e manikyrit që do të zëvendësojë rozën
9 Shtator, 16:17 -
-
