1.Vetëm femrat në moshë të madhe kanë probleme me tiroidet.
Edhe pse një femër në moshën 60-vjeçare ka më shumë shanse të ketë probleme me tiroidet, kjo nuk do të thotë që moshat e reja janë të parrezikuara nga kjo sëmundje. Tiroidet mund të shfaqen në çfarëdolloj moshe, për shkak të ndryshimit të hormoneve në trup. Kjo gjë iu ndodh edhe meshkujve, vetëm se simptomat tek ata janë më të lehta sesa tek femrat.
2.Tiroidet diagnostifikohen dhe kurohen lehtësisht.
Shumë njerëz mund të kalojnë një kohë të gjatë nëpër klinika të ndryshme deri sat ë arrijnë të diagnostifikohen me tiroide. Çdo gjë varet nga niveli dhe lloji i tiroides që keni. Kurimi i saj nuk ka nevojë vetëm për disa ilaçe në ditë, pasi dihet që tiroidet ndikojnë shumë edhe në gjëndjen emocionale-mendore.
3.Tiroidet iu bëjnë të shtoni vetëm disa kile.
Në fakt nuk mund të përcaktohet sesa do të shtoni në peshë nëse vuani nga tiroidet. Metabolizmi është i ndryshëm për të gjithë, prandaj edhe shtimi në peshë është i veçantë për këdo.
4.Të gjithë ata që kanë sytë e fryrë, vuajnë nga tiroidet.
Sytë e enjtur janë vërtet një simptomë e tiroideve, por nuk shfaqen tek të gjithë. Një pjesë e personave me tiroide, nuk kanë asnjë ndryshim në sytë e tyre apo në fizik. Gjithashtu, fakti se mund të keni sytë e fryrë gjithë kohën nuk do të thotë se ju jeni të sëmurë.
5.Hipertiroidet iu bëjnë të humbisni peshë.
Disa njerëz që vuajnë nga hipertiroidet (tiroidet aktive) mund të fitojnë disa kile më tepër, në vend që të humbasin peshë.
6.Nëse keni një gungë në fyt, atëherë keni tiroide kanceroze.
Faktikisht kjo gjë ka rezultuar e saktë vetëm për 5% të personave që vuanin nga tiroidet. Fakti që mund të keni një pjesë dhjamore në tiroide, nuk do të thotë se ajo është kancerogjene. Kjo gjë mund të diagnostifikohet lehtësisht me anë të një vizite mjekësore.
Burimi: Verywell / Përshtati: Mikaela Brokëri
