Blake Lively dhe Justin Baldoni po shqyrtojnë mundësinë e zgjidhjes së konflikteve të tyre jashtë dyerve të gjykatës, pasi shumica e akuzave të aktores për ngacmim seksual gjatë xhirimeve të filmit It Ends With Us janë rrëzuar.
Avokatët e të dyja palëve janë ftuar të marrin pjesë në seanca ndërmjetësimi më 6 prill. Të dyja palët do të paraqesin një raport mbi qasjen e tyre për të gjetur “gjuhën e përbashkët”.
Por, nga ana tjetër, avokati i Lively, Michael Gottlieb, sqaroi se rrëzimi i akuzave nuk do të thotë se çështja ka mbaruar. Ai theksoi se aktorja mezi pret gjyqin e planifikuar për muajin tjetër.
“Vendimi i gjykatës që pretendimet e znj. Lively për ngacmim seksual nuk mund të gjykohen në këtë fazë ka të bëjë vetëm me çështje ligjore dhe nuk nënkupton se pretendimi i saj nuk qëndron,” tha Gottlieb.
Akuza kryesore
Lively pretendoi se Baldoni kaloi kufijtë gjatë xhirimeve, duke e puthur në një skenë të paplanifikuar dhe duke hyrë në dhomën e saj të zhveshjes ndërsa ajo po ushqente fëmijën e saj me gji.
Por, pas vendimit të gjykatës, Blake Lively dhe Justin Baldoni janë të detyruar të shqyrtojnë mundësinë e një marrëveshjeje jashtë gjykatës, teksa mbetet për t’u parë se si do të shkojnë gjërat.
Më shumë mbi sagën gjyqësore:
