Foto: Jennifer Lawrence/ Variety

Gjatë një shfaqjeje të filmit "Die My Love", në New York, Jennifer Lawrence tregoi se nuk i kishte më qentë e saj, kjo pasi njëri prej tyre i kishte kafshuar djalin. 

Ajo madje u shpreh se pas incidentit i lindi dëshira të "shkatërronte çdo qen", por deklarata nuk u prit mirë nga ndjekësit.

“Qenin nuk e braktis vetëm sepse ke bërë fëmijë. Duhet t’u mësosh fëmijëve të respektojnë kafshën. Uau,” shkroi një përdorues në Instagram nën një video të publikuar nga E! News. “Nuk më pëlqen më.”

“E doja shumë… kjo është kaq zhgënjyese. Shpresoj që njerëzit të mos mendojnë se kjo është sjellje normale.”

Një tjetër komentues, i cili tha se kishte binjakë, shtoi:

“Kam binjakë dhe qentë e mi janë familje PËRGJITHMONË. Ne jemi një tufë. Një shtëpi plot dashuri, respekt dhe përkushtim… BËJ MË MIRË, JENNIFER.”

Të tjerë u ndalën te gjuha e përdorur nga aktorja, duke e quajtur deklaratën e saj “të tmerrshme”.

“Ajo që është veçanërisht shqetësuese është përdorimi i një platforme kaq të madhe për të normalizuar heqjen dorë nga një qen pas një incidenti që mund të ishte parandaluar, dhe pastaj të flasë kaq lehtë për ‘shkatërrimin’ e qenve,” shkroi një komentues.

Megjithatë, mes komenteve negative aktorja pati edhe mbështetës.

“Nuk e dimë situatën. Nëse ajo ndjeu se qentë nuk ishin të sigurt pranë fëmijëve, nuk duhet të gjykojmë një nënë për një vendim të marrë për sigurinë e fëmijëve të saj. Një prind duhet GJITHMONË të zgjedhë sigurinë e fëmijës,” thuhej në një prej komenteve.

Në videon e publikuar, Jennifer Lawrence foli për mënyrën se si mëmësia ia ka ndryshuar perceptimin për kafshët shtëpiake pranë fëmijëve të vegjël.

“Pasi bëra fëmijë, qentë filluan të më duken shumë të frikshëm, është sikur nuk i njoh më qentë tani. I shoh thjesht si një kërcënim."

Jennifer Lawrence zbuloi se aktualisht qentë po qëndrojnë tek prindërit e saj. Aktorja është nënë e dy djemve nga martesa me bashkëshortin, Cooke Maroney.