Foto: Leonardo DiCaprio/ ABC

Leonardo DiCaprio u shfaq në ceremoninë e Academy Awards 2026 i shoqëruar nga e dashura e tij, modelja Vittoria Ceretti. Megjithëse çifti nuk pozoi së bashku në tapetin e kuq, ata u ulën pranë njëri-tjetrit gjatë ceremonisë.

Kamera u fokusua tek aktori 51-vjeçar dhe modelja 27-vjeçare gjatë monologut hapës të prezantuesit Conan O'Brien, i cili bëri shaka duke e quajtur DiCaprio-n “mbreti i meme-ve”.

Kur O’Brien i kërkoi aktorit të bënte aty për aty një mimikë të stilit “ajo ndjesia kur nuk ke rënë dakord për këtë gjë”, DiCaprio reagoi me humor duke bërë një shprehje qesharake, ndërsa e dashura qeshte pranë tij.

DiCaprio është nominuar në kategorinë e Aktorit më të Mirë për rolin e tij në filmin "One Battle After Another".

Edhe pse të shfaqej me të dashurën në Oscars ishte një lëvizje e papritur nga DiCaprio, kjo nuk është hera e parë që ai u shfaq në një event të tillë i shoqëruar nga një partnere. Në vitin 2005 ai mori me vete supermodelen Gisele Bündchen, ndërsa në vitin 2020 në ceremoni ishte i shoqëruar nga aktorja Camila Morrone.

Marrëdhënia e DiCaprio-s me Ceretti-n u bë publike në shtator të vitit 2023, kur ata u fotografuan duke u puthur në një klub nate në Ibiza.

Aktori është i njohur për faktin se e mban jetën e tij private larg vëmendjes publike, megjithatë ai dhe Ceretti janë parë disa herë së bashku. Në janar ata u fotografuan në një jaht duke festuar.

Ceretti e ka shoqëruar gjithashtu DiCaprio-n edhe në disa evente të tjera të rëndësishme, përfshirë dasmën e Jeff Bezos dhe Lauren Sánchez në qershor të vitit 2025.

Në dhjetor, çifti u fotografua gjithashtu duke u puthur në Los Angeles, në një nga momentet e rralla kur shfaqën publikisht afeksion.

Në një intervistë për revistën Time, DiCaprio ka shpjeguar edhe pse preferon të jetë shumë diskret për jetën e tij private.

“Është një ekuilibër që e kam menaxhuar gjatë gjithë jetës sime si i rritur dhe ende nuk jam ekspert,” tha ai.

“Filozofia ime e thjeshtë është të dal në publik dhe të bëj diçka vetëm kur kam diçka për të thënë ose për të treguar. Përndryshe, përpiqem të zhdukem sa më shumë që të jetë e mundur.”