Charlize Theron s’u habit fare nga dasma 50 milionë dollarëshe e Jeff Bezos dhe Lauren Sánchez në Venecia, Itali, ku morën pjesë shumë yje të famshëm.
Aktorja e “Old Guard” kritikoi themeluesin e Amazon dhe gruan e tij, gjatë organizimit të edicionit të pestë të “Block Party”, duke u shprehur me ironi:
“Mendoj se jemi të vetmit njerëz që nuk morën ftesë për dasmën e Bezos,” tha ajo gjatë eventit në ambientet e Universal Studios në Los Angeles.
Më tej, vijoi:
“Por s’ka problem, sepse ata ta shpifin dhe ne jemi cool”.
Fituesja e çmimit Oscar, 49 vjeç, falënderoi më tej të pranishmit për pjesëmarrjen:
“Faleminderit që gjetët kohë të jeni pjesë e kësaj (ngjarjeje), veçanërisht kur bota duket sikur po digjet – sepse po digjet. Këtu në Los Angeles, në SHBA dhe në mbarë botën, po shkojmë mbrapa në kohë me ritme të shpejta. Politikat e emigracionit kanë shkatërruar jetët e familjeve, jo të kriminelëve; të drejtat e grave po pakësohen çdo ditë e më shumë; jeta e personave queer dhe transgjinorëve po fshihet gjithnjë e më tepër dhe dhuna me bazë gjinore është në rritje. Kjo nuk është thjesht politikë, është personale”, duke vënë theksin mbi problemet që janë prezente dhe më të rëndësishme se “dasma e shekullit”.
Theron nuk ishte në listën e të ftuarve për dasmën treditore të Bezos dhe Sánchez, ndërkohë që shumë VIP-a dhe emra të njohur udhëtuan drejt Venecias për të festuar dashurinë e çiftit.
Kim dhe Khloé Kardashian, Kris, Kylie dhe Kendall Jenner, Tom Brady, Orlando Bloom, Ivanka Trump, Leonardo DiCaprio, Oprah Winfrey, Usher, Sydney Sweeney dhe shumë të tjerë ishin të pranishëm në festime.
Axhenda përfshinte një festë luksoze mirëseardhjeje dhe një festë me pizhame që zgjati gjithë natën – përveç ceremonisë kryesore në ishullin San Giorgio Maggiore, ku performuan Matteo Bocelli dhe Ellie Goulding.
-
Kylie Jenner në dasmën e Bezos: A e theu rregullin numër një të dasmës?
28 Qershor, 12:21 -
-
-
