Të sapomartuarit, Gwen Stefani dhe Blake Shelton, shpërndanë në rrjete sociale foto nga dasma e tyre në stilin “country”. “Ëndrrat bëhen realitet,” shkroi Gwen në një postim në Instagram ku duken disa nga momentet kyç në dasmë.

Në një tjetër foto, ata pozojnë jashtë kishëzës në pronën e Blake Shelton, të cilën e ndërtoi pikërisht për këtë moment.

Gwen u vesh nga Vera Wang. Në njërin nga fustanet janë të qëndisur emrat tre djemve të saj – Kingston, Zuma dhe Apollo – si edhe “Blake” dhe “Gwen ” në vellon e saj.

Ajo mbajti veshur çizme stiletto cowboy. “Ke nevojë për një fustan festiv kur martohesh,” shkroi ajo.

Blake, nga ana tjetër, veshi xhinse. Ok, brenda stilit të tij.

Blake dhe Gwen u fejuan në tetor të vitit 2020. “Gwen Stefani, faleminderit që më shpëtove vitin 2020...dhe pjesën tjetër të jetës sime. Dëgjova një PO!” shkroi Shelton në Instagram pasi i propozoi për martesë.

Të dy trajnerët e The Voice u takuan në spektaklin muzikor në vitin 2015 dhe më pas miqësia e tyre u shndërrua në marrëdhënie romantike. Ata njoftuan lidhjen në nëntor të vitit 2015.