Gina Huynh, e njohur deri tani si “Viktima 3” në aktakuzën kundër Sean “Diddy” Combs, ka bërë një kthesë që askush nuk e priste: ajo ka dalë publikisht me emër e mbiemër, jo për të dëshmuar kundër Diddy-t, por për të kërkuar lirim me kusht për të, përpara se të shpallet vendimi përfundimtar më 3 tetor.
Në një letër që avokatët e Diddy-t dorëzuan në gjykatë, Gina e përshkruan artistin si një "njeri familjar" dhe thotë se "ka kohë që nuk është i dhunshëm", duke shtuar se e ka parë të ndryshojë për mirë pas përfundimit të lidhjes së tyre.
Ajo shkruan se e njeh Diddy-n përtej akuzave dhe se beson që ai nuk do të shkelë kushtet nëse lirohet. Për më tepër, ajo mendon se lirimi i tij do të ndihmonte edhe procesin e “shërimit për të gjithë të përfshirët”.
Por rikujtojmë: Gina ishte një nga viktimat që prokuroria përmendi si të detyruar të angazhohej në akte seksuale kundrejt përfitimeve financiare, përmes presionit dhe kërcënimit nga Diddy. Ajo nuk dëshmoi kurrë në sallën e gjyqit dhe për një kohë të gjatë prokurorët nuk arrinin as ta gjenin vendndodhjen e saj.
Pak kontekst për ata që s'kanë ndjekur "serialin" e Diddy-t:
- Ai u shpall fajtor për dy akuza: për transportim me qëllim prostitucioni, por u lirua nga akuzat më të rënda për trafikim seksual dhe organizatë kriminale.
- Ai është në pritje të dënimit dhe rrezikon deri në 20 vite burg.
- Video të dhunshme, dëshmi tronditëse dhe një listë e gjatë ish-partneresh janë pjesë e dosjes.
Megjithatë, nëse kjo listë ish-partneres ndjek shembullin e Gina-s, fati duket se do i buzëqeshë sërish producentit.
Burimi: People
