Ekipi ligjor përfaqësues i këngëtares Pink ka ngritur të enjten padi ndaj Pharrell Williams, në gjykatën federale, me pretendimin se marka tregtare që po përpiqet ai të regjistrojë është shumë e ngjashme me emrin e artistes.
Pink, emri i vërtetë i së cilës është Alecia Moore, ka aplikuar për të drejtat ligjore të markës “PINK”, që në vitin 1999 dhe u regjistrua zyrtarisht dy vite më vonë.
“Marka P.INC është shumë e ngjashme në shikim, në tingull, kuptim dhe shprehi komerciale. Po ashtu shërbimet që do të ofrohen janë shumë të ngjashme me të këngëtares dhe do shkaktojnë konfuzion publik, pasi do reklamohen në të njëjtat kanale”, deklarohet në dosjen ligjore e avokatëve të këngëtares.
Me besimin se kjo markë e re e Williams do dëmtojë biznesin e Pink, ata po kërkojnë të rishikohet leja e regjistrimit.
Në muajt e fundit Pharrell Williams ka marrë edhe një tjetër akuzë të ngjashme muajin që i shkoi nga marka “Neptunes”. Nuk ka ende reagime zyrtare për këtë çështje.
Artikuj të sugjeruar:
