A ju ka ndodhur ndonjëherë të shkoni në një takim me miqtë e gjimnazit dhe të vini re se disa person duken shumë më të rinj, ndërsa të tjerë sikur "tregojnë" më shumë vite? Edhe pse të gjithë kanë të njëjtën moshë, realiteti është se trupi ynë nuk plaket njësoj për të gjithë.

Shkenca e shpjegon këtë përmes konceptit të Biological age dhe Chronological age. Ndërsa mosha kronologjike është thjesht numri i viteve që kemi jetuar, mosha biologjike tregon gjendjen reale të trupit tonë, sa “i vjetër” është organizmi në funksionim.

Një studim me rreth 1,000 persona ka treguar se këto dy mosha nuk përkojnë gjithmonë. Studiuesit analizuan 18 tregues të ndryshëm shëndetësorë, si presioni i gjakut, kolesteroli, funksioni i organeve, shëndeti i dhëmbëve dhe metabolizmi. Rezultatet treguan se ndërsa për shumicën e njerëzve këto dy mosha janë të afërta, për disa diferenca është e dukshme, duke i bërë ata të duken dhe të ndihen më të vjetër ose më të rinj se sa janë në të vërtetë.

Ata që rezultonin biologjikisht më të mëdhenj kishin gjithashtu performancë më të dobët në aspekte si koordinimi, ekuilibri dhe qartësia mendore. Në disa raste, edhe aktivitete të thjeshta fizike, si ngjitja e shkallëve, bëheshin më të vështira për ta.

Qëllimi i studiuesve është të kuptojnë pse disa njerëz plaken më shpejt se të tjerët dhe cilët faktorë ndikojnë në këtë proces. Nëse këto arsye identifikohen, mund të hapet rruga për mënyra të reja për të ngadalësuar plakjen dhe për të ruajtur vitalitetin, jo vetëm në pamje, por edhe në shëndet.

Në fund, mesazhi është i qartë, ajo që ka vërtet rëndësi është si ndihet dhe funksionon trupi ynë.