Foto: Moritz Scholz//Getty Images

Bukuria ka ndryshuar shumë vitet e fundit - nga thonj shumë të zbukuruar dhe me efekt metalik, te manikyrët shumë natyralë - por për verën 2026, trendi po shkon drejt një “revolte të qetë” kundër xhelit. Pas vitesh përdorimi të xhelit dhe heqjes së tij me vështirësi, shumë persona po zgjedhin një alternativë më të butë dhe më të thjeshtë: pedikyrin japonez.

Shumë njerëz po e preferojnë sepse kanë pasur probleme me alergji nga xheli, dhe në rrjetet sociale po rritet numri i atyre që thonë se po e braktisin xhelin dhe po kalojnë te metoda japoneze.

Por çfarë është pedikyri japonez?

Sipas specialistes Susan Carroll, kjo metodë fokusohet te përmirësimi i gjendjes së thoit natyral, jo te mbulimi i tij me ngjyrë apo xhel. 

Fillimisht thonjtë pastrohen dhe përgatiten si në një pedikyr normal. Pastaj përdoren disa produkte shumë të buta që nuk janë për zbukurim, por për kujdes: janë pasta me minerale dhe vitamina, që vendosen mbi sipërfaqen e thoit për ta ushqyer dhe për t’i dhënë një pamje më të shëndetshme. Këto nuk janë kremra për lëkurë, por masa të lehta që ndihmojnë thoin të mos duket i thatë apo i dëmtuar.

Më pas vjen pjesa e “lustrimit”, që do të thotë se thoi fërkohet shumë butë me mjete speciale shumë të imta (si lima shumë të buta). Ky nuk është fërkim i fortë, por një lëmim shumë i lehtë i sipërfaqes së thoit që e bën më të lëmuar dhe që të reflektojë dritën natyralisht, pra të ketë shkëlqim pa pedikyr.

Në fund, thoi duket si i lyer, por në fakt nuk ka asnjë produkt ngjyre apo xheli mbi të, është vetëm thoi natyral i përmirësuar dhe i ushqyer.

Edhe pse mund të përdoret në duar dhe këmbë, tani është më i përhapur për pedikyr, sidomos në verë kur thonjtë e këmbëve janë të ekspozuar.

Rezultati është i thjeshtë dhe elegant: thonj me shkëlqim natyral, të shëndetshëm dhe paksa si margaritar. Përfitimi nuk është vetëm estetik.

Ndryshe nga xheli, kjo metodë nuk kërkon zhytje në aceton, nuk përdor limim të fortë dhe nuk mban produkte për një kohë të gjatë mbi thua. Kjo e bën më të butë për thonjtë e dobësuar ose të dehidratuar nga përdorimi i xhelit.

Shumë persona po kalojnë te ky trajtim sepse është më i butë me thonjtë natyralë.

Në përgjithësi, ky trend lidhet me idenë e bukurisë natyrale dhe të thjeshtë. Qëllimi nuk është më që thonjtë të duken të lyera, por të duken natyralisht të shëndetshme.