Për ju që s’besoni në dashuri, duhet të dini se Pamela Anderson i ktheu partnerit besimin tek takimet romantike dhe romanca në përgjithësi.
Liam Neeson deklaroi se kishte hequr dorë nga takimet romantike, përpara se të niste një lidhje me Pamela Anderson. Tetorin e kaluar, nëntë muaj përpara se një burim të konfirmonte se aktorët e “The Naked Gun” ishin "në fazat e para" të një romance, aktori i nominuar për Oscar ishte shprehur sinqerisht se i kishte ndërprerë daljet me qëllime romantike.
I pyetur nëse kishte takime dashurie, Liam u përgjigj:
“Jo, që t’i bie shkurt. Kam dalë nga ajo fazë.”
73-vjeçari ishte i martuar me aktoren e “The Parent Trap”, Natasha Richardson, nga viti 1994 deri në vitin 2009, kur ajo u nda nga jeta. Më pas, ai u lidh me Freya St. Johnston dhe marrëdhënia e tyre zgjati 2 vjet.
Tanimë, Liam Neeson është lidhur me Pamela Anderson, 58 vjeç dhe një burim u shpreh se “po e shijojnë shoqërinë e njëri-tjetrit”.
“Është diçka e sinqertë dhe është e qartë që janë shumë të tërhequr pas njëri-tjetrit”, vijoi personi anonim.
Kjo u vu re edhe gjatë turneut global të promovimit të filmit të tyre. Gjatë një paraqitjeje në emisionin Today të martën, më 29 korrik, Liam Neeson dhe Pamela Anderson “u shtirën” sikur u kapën duke u puthur kur kamera u kthye drejt tyre. Një javë më parë, Pamela e puthi në faqe gjatë premierës së filmit në Londër.
Liam Neeson, i cili përpara se të martohej me Richardson kishte pasur lidhje me Barbra Streisand, Brooke Shields dhe Helen Mirren, foli me shumë entuziazëm për Pamela-n në intervistën për People në vitin 2024.
“Jam marrëzisht i dashuruar me Pamela-n. Është fantastike të punosh me të,” tha ai dhe shtoi: “Nuk mund ta lavdëroj sa duhet, të jem i sinqertë. Nuk ka ego të madhe. Vjen për të punuar. Është shumë gallatë dhe e bën shumë të thjeshtë që të punosh me të. Do të jetë fantastike në film,” shtoi ai.
Pamela Anderson ia ktheu komplimentet, duke e quajtur Liam “një zotëri i vërtetë”, duke vijuar: “Ai të nxjerr versionin më të mirë të vetes… me respekt, mirësi dhe përvoja. Ishte një nder i vërtetë të punoja me të.”
Epo, dashuria nuk ka moshë dhe ja ku jemi, në një marrëdhënie që duket shumë premtuese.
