Orë më parë, në llogarinë e saj të Instagram-it, bashkëshortja e Dr.Florit, Blerina, postoi këtë video.

Aty, ajo ndau me gjithë ndjekësit momentet më të vështira të ditëve të fundit; shëndeti i djalit të vogël, Daniel nuk shkonte mirë.

“12-15 mars kanë qenë ditët më të vështira për Danushkën, mua, familjet tona dhe për gjithë miqtë që na qëndruan pranë dhe vazhdojnë të na mbështesin pa kushte. Nuk do ta harroj kurrë atë që përjetova kur më thanë se ti zemra ime e vogël kishte një masë tumoriale në kokën tënde të bukur…”- shkruan Blerina, por fatmirësisht, gjërat për të voglin e familjes kanë shkuar mirë.

“Baba Zoti të do shumë biri im dhe bëri mrekullinë e radhës. Ajo që na thanë se mund të ishte tumor në fakt ishte një abscess, por që gjithsesi duhej hequr me shpejtësi. Danieli e përballoi ndërhyrjen dhe vazhdon të jetë shumë mirë!”

Komentet nga miq dhe fansa të Dr.Florit kanë qenë pafund. Të lumtur që nuk është ajo që mjekët dyshonin, njëzëri kanë uruar shërimin e plotë të vogëlushit.

"Absces-i" zakonisht shkaktohet nga një infeksion bakterial dhe mund të shfaqet në çdo vend të trupit si grumbullim qelbi. Zakonisht zona ku është krijuar skuqet, fryhet dhe shkakton dhimbje. Pas ekzaminimit të imtësishëm, mjekët vendosin nëse do të hiqet përmes ndërhyrjes apo do të kurohet nëpërmjet antibiotikëve.