Heidi Klum dhe dy djemtë/ Getty Images/ Noel Vasquez/GC Images

Heidi Klum sapo ka ndarë me ndjekësit një nga ato fotot që thjesht bërtasin: “Kur kaloi gjithë kjo kohë?!”

Supermodelja 52-vjeçare postoi në Instagram një foto të ëmbël familjare ku shihet e buzëqeshur mes dy djemve të saj – Henry (19 vjeç) dhe Johan (18 vjeç) – të cilët, me gjatësinë e tyre, e bëjnë Heidi-n të duket si “motra e vogël” në foto.

Dyshja bëri një paraqitje të rrallë në rrjetet sociale të mamasë së famshme, ndërsa po shijonin pushimet e verës. Heidi, dukej super verore në një set me bluzë të shkurtër + fund të gjatë në ngjyrë bezhë dhe sandale Hermès të bardha.

Kjo foto familjare vjen vetëm pak javë pasi ajo festoi diplomimin e Johan, djalit të vogël, nga gjimnazi, i cili tashmë do të ndjekë studimet në Parsons School of Design në New York – një tjetër hap drejt botës së modës, që mami e ka shkelur më parë me shumë siguri (dhe taka shumë të larta!).

Ndërkohë, djali i madh, Henry, ka bërë daljen e parë si model në pasarelë gjatë Paris Haute Couture Fashion Week, ndërsa motra e tyre Leni (21 vjeç), tashmë është modele dhe ka pozuar për disa marka bashkë me mamin – përfshirë edhe disa që kanë ngjallur shumë diskutime "për nuditetin dhe pozat shqetësuese".

Në të njëjtin postim, Heidi ndau edhe një foto me bashkëshortin e saj, muzikantin Tom Kaulitz, me të cilin është martuar në vitin 2019.

Me sa duket, pushimet e familjes Klum janë një kombinim i dashurisë, modës dhe rritjes së fëmijëve kaq shpejt, saqë fansat e Heidi-t s’po e përballojnë dot faktin që vogëlushët e dikurshëm tani janë më të gjatë se supermodelja e Victoria’s Secret.

_{Burimi: Page Six}