Nëse e ndjek Luanën në Instagram, duhet ta kesh vënë re se moderatorja herë pas here i pyet ndjekësit e saj se cilin program televiziv që ajo ka bërë do donin të rikthenin.
Të njëjtën gjë bëri Luana dhe në postimin e fundit, ku vendosi si nënshkrim "Pa më thoni pak, cilin program doni?" poshtë disa fotove të saj nga Ferma VIP 2 dhe komentuesit kishin vetëm dy dëshira: ZemërLuana dhe Shiko Kush Luan.
Të dyja programet e argëtimit kanë të njëjtën formulë, dy grupe kundërshtare me personazhe të njohur konkurrojnë me njëra-tjetrën për të shpallur në fund një grup fitues.
Hera e fundit që Luana moderonte njërin prej këtyre programeve (ZemërLuana) ishte para dy vitesh dhe duket se nuk ndiejnë vetëm njerëzit nostalgji për ta rikthyer në televizion, por edhe vetë Luana, e cila ka pëlqyer komentet. Mbetet për t'u parë nëse dëshira e përbashkët do të realizohet. :)
