#1. Artani bën pyetjen 100 mijë euroshe
Çfarë janë Mateo dhe Brikena? Edhe daja i Brikenës të kishte qenë Artani s’do këmbëngulte kaq shumë për një përgjigje.
Sipas tij, Brikena po tallet me Mateon, por së fundmi edhe Mateo po e shfrytëzon Brikenën për lojë. Duke qenë se kjo s’është aspak puna e Artanit, Arbri adresoi sjelljen e përndjekësit që ai i ka bërë dyshes këto ditë.
Gjithsesi, lajme të mira për dashamirësit: Brikena shprehu teksualisht se e pëlqen Mateon.
#2. Kimi mes Rogertit dhe Juelës?
Dituri Natyre më mirë. Juela e bëri të qartë se e sheh si vëlla të madh Rogertin. Vëllai i Madh ndërkohë:
Rogerti nga ana tjetër e mori me shumë sportivitet klipin dhe u duk se thjesht po shijonte vëmendjen. Megjithatë, e nxorri dhe një nga perlat e tij duke thënë se “po të mos ishte i martuar, Juela do ishte tipi i tij”. Pse e kontrollon dot me pult se nga kush tërhiqesh pasi martohesh?
Opinionistët gjithashtu dyshojnë se mund të ketë një të vërtetë në teorinë se Juela dhe Rogerti pëlqehen, veçanërisht nga ana e Juelës. Nëse del vërtet kështu, është karma e Juelës për gjithë çiftet që ka krijuar vetë ajo brenda shtëpisë.
#3. Sherr Selin-Rogert
E përhershmja, e dini ju. Selin nënkupton se Rogerti pi kokainë, Rogerti i përmend babanë dhe moralin. 5 minuta para mbrëmjes Selin tha se Rogerti i kishte thënë “je aq e lehtë sa të fus në shtrat që tani”.
Ahh, super biseda për të mirëpritur stinën e madhërishme të pranverës!
#4. Juela dhe Greta s’gjejnë vrimë ku të futen
“Nuk e kuptoj pse 2 kunata preken nga një koment i thjeshtë i imi?” tha Juela e cila i përsëriti disa herë Gretës “të ketë kujdes me vrimat”, pra banores me të cilën ka mbi një muaj që ka marrëdhënie të tensionuara.
Debati përshkallëzoi dhe Greta e quajti Juelën “prostitutë të rrugëve të Milanos”. Një tjetër ditë e bekuar për të dëgjuar të tilla debate konstruktive apo jo?
Gjithsesi, u morën masa sepse s’na interesonte më ta kishim në lojë Gretën.
#5. Eliminohet Greta
Sepse quajti atë-që-thamë-më-lart Juelën. Rogerti që tha po të njëjtën gjë për Selinën një javë më parë, si duket u favorizua prej vendndodhjes në Dubai. Ç’diskriminim!
#6. Rogerti surprizohet nga vëllai
Me të cilin nuk fliste prej 4 vitesh, për shkak të parave që i kishte borxh, pas një faze ku Rogertit “i ndodhi fenomeni i skedinave të futbollit”.
#7. Televotimi
Publiku shpëtoi Mateon dhe Selinën, dalin në televotim kokë më kokë Gimbo dhe Brikena. Njëri eliminohet të martën (ose jo).
