Një moment i shpërndarë gjerësisht nga ndjekësit e “Big Brother VIP Albania 5” ka shkaktuar reagime të forta në rrjetet sociale.
Në një video të publikuar nga një moment nga shtëpia, duken banorët Rogerti dhe Miri duke biseduar ndërkohë që janë ulur për të ngrënë.
Gjatë bisedës, Selin kalon përballë tyre dhe Rogerti komenton: “Imagjino për shembull një film...të tre kështu personazhe.”
Miri i përgjigjet: “E ke të sigurt.”
Më pas, Rogerti i drejtohet Selin: “Gati na ra ushqimi nga goja o Selin,” ndërsa Miri shton: “Mua më ra.”
Kur më tej kalon Mali përballë tyre, Rogerti thotë: “Ja dhe ky,” dhe Miri komenton: “Ky është ai që vjen nga mbrapa, që ha akullore.”
Edhe pse audioja nuk është shumë e qartë kur Rogerti përmend llojin e filmit, konteksti i bisedës është interpretuar nga audienca sikur po diskutojnë për film pornografik.
Biseda dhe komentet mes tyre janë kritikuar masivisht në rrjete sociale. Nëse situata është keqinterpretuar ose jo, mbetet për t'u parë nëse do të komentohet më me detaje gjatë prime-it të programit.
Përditësim, 2 shkurt: Gjatë prime-it të djeshëm, u diskutua biseda e mësipërme me dy banorëve. Rogerti u shpreh se e kishte fjalën për film artistik, si për shembull filmi i Olta Gixharit dhe Luiz Ejllit. Selin, nga ana tjetër, nuk u bind dhe u shpreh se e dinte shumë mirë se çfarë nënkuptonin ata.
