Timothée Chalamet duket se është mbështetësi më i madh i partneres së tij, Kylie Jenner.

Aktori i njohur ndau në Instagram Story një selfie para pasqyrës, ku shfaqej me një stil casual, një kanotierë të bardhë, atlete të bardha dhe një kapele. Por ajo që tërhoqi menjëherë vëmendjen e fansave ishin pantallonat e tij të shkurtra capri me inicialin “K” të qëndisur pranë xhepit.

Sipas fansave të modës, ato dukeshin të ishin modeli “Venice Long Shorts” nga marka e veshjeve Khy, kompania e themeluar nga Kylie Jenner.

Pantallonat janë unisex dhe kushtojnë rreth 120 dollarë.

Timothée Chalamet dhe Kylie Jenner janë bashkë prej më shumë se tre vitesh dhe dolën publikisht si çift në shtator të vitit 2023.

Së fundmi, aktori ndodhet në New York për ndeshjet e ekipit të tij të preferuar, New York Knicks, në play-off-et e NBA-së. Edhe pse në ndeshjen e fundit u shfaq vetëm, Kylie nuk ngurroi të tregonte mbështetjen e saj duke komentuar në një video të publikuar në TikTok me hyrjen e aktorit në stadium.

Çifti tashmë shihet shpesh së bashku, si në evente glamuroze në tapetin e kuq, ashtu edhe në takime të thjeshta apo ndeshje basketbolli.

Ndërkohë, Kylie Jenner vazhdon të fokusohet edhe te marka e saj Khy, të cilën e “rifreskoi” muajin e kaluar me koleksione më minimalistë dhe të krijuar direkt nga vetë ajo, pa bashkëpunime me stilistë të tjerë të njohur.

Madje, Kylie ka përfshirë edhe vajzën e saj, Stormi Webster, në promovimin e disa produkteve të markës në rrjetet sociale.

Duket se moda është kthyer tashmë në një tjetër mënyrë për çiftin Jenner-Chalamet për të treguar afërsinë e tyre.